Outra vez domingo ¿Outra vez Quintana?
Hoxe é sábado, case domingo, e non saín. Na televisión só podo escoller entre o partido do Depor e Dolce Vita, así que decido darlle un pouco ó blog. Estaba pensando que dende hai non sei cantos domingos atopo na prensa unha foto que, a verdade, non me gusta moito, Anxo Quintana bailando o pasadoble de turno coa muller xubilada de turno no concello de turno.
Igual peco de exceso de purismo, pero a verdade é que non me gusta a imaxe que da o Vicepresidente da Xunta repetindo unha escena tantas veces protagonizada por Fraga e tan criticada por todos aqueles que cremos que os cartos públicos non se deberían investir en macropapatorias. Mañá é domingo, antes de xantar abrirei de novo o xornal e ¿volverei a ver a Quintana meneando o esquelete? Espero que xa non.
7 comentarios
Deixa unha resposta
Noraboa polo blog!!Atopeino agora e intentarei facerme habitual,ainda que iso non significa que non che vaia a dar caña…jiji…
Bicos
PD.Si,son a da tua clase(anos hai….)
Que sorpresa, Cintia! ¡Canto tempo! Creo que non te vexo dende unha manifestación do primeiro de maio en Ferrol. Alégrome moito de que chegases ata aquí e que che gustase o blog. Espero que entres de vez en cando e que me deas moita caña, que é do que se trata.
A ver se nos vemos pronto. Bicos ;-)
Hai un matiz importante que diferencia as papatorias de Fraga coas de Quintana e é que mentres que o primeiro as usou sempre coma un “pan et circenses” ao tempo que facía de Galicia unha terra envellecida e de mozos emigrantes, Quintana as acompaña de accións dende o goberno encamiñadas a acadar unha millora na calidade de vida da xente maior, das vida familiar, dos meniños, etc.
Non é o mesmo, polo tanto, unha papatoria para manter bocas caladas, que celebrar a chegada dun tempo novo. O estamos vendo, o estamos percibindo, e os froitos han chegar.
Parabéns para Quintana.
P.D.: Anímate un día a publicar un post sobre o teu compañeiro Méndez Romeu e o incumprimento da Lei de Normalización Lingüística. A min tampouco me gusta a súa imaxe e me consta que a moitos compañeiros teus tampouco (inda que en público o calan).
César, non sei se hai moita diferencia entre gastar os cartos públicos entre papatorias para gañar votos ou papatorias para celebrar a chegada dun novo tempo; a finalidade que lle asignamos ó acto é totalmente subxectiva, en función das nosas simpatías políticas, pero o acto en si é obxectivo, páganse macrocomidas con cartos públicos e iso non me parece moi ético. Pero igual estou equivocado, nunca emito verdades unívocas ou sentencias, só as miñas opinións.
Quintana cáeme ben, pero hoxe vou adicarlle outro post, porque non chego a entender que facía onte en Cataluña apoiando a candidatura de Artur Mas.
[…] Este domingo non tocou momento pasodobre, pero si que apareceu Anxo Quintana nos medios e, novamente, non o entendo. Prometo que non teño ningún tipo de xenreira especial hacia Quintana, todo o contrario, paréceme un bo tipo, pero ás veces non comprendo os seus comportamentos políticos. Os dous grandes partidos de Cataluña son o Partido Socialista (PSC) e Convergència i Unió (CIU), o referente da esquerda e o referente da dereita, respectivamente. Os últimos tres anos Cataluña estivo gobernada por un tripartito de esquerdas liderado polo PSC, tripartito defendido en inumerables ocasións, incluso como modelo a seguir, polos dirixentes do BNG; algo lóxico tendo en conta que o Bloque se define como unha fronte de esquerdas. ¿Qué facía entón Quintana onte apoiando a candidatura de Mas á Generalitat, apoaindo á dereita catalana?. […]
[…] Este domingo non tocou momento pasodobre, pero si que apareceu Anxo Quintana nos medios e, novamente, non o entendo. Prometo que non teño ningún tipo de xenreira especial hacia Quintana, todo o contrario, paréceme un bo tipo, pero ás veces non comprendo os seus comportamentos políticos. […]
Oes, Cintia, ti non serás Cintia R., non?