Javier, poñémonos mans á obra?
Vou falar hoxe doutro Losada, Javier Losada, o Alcalde da Coruña, que esta fin de semana afirmaba nunha entrevista:
P. A Xunta di que non hai cartos para todo.
R. Hai cartos, claro que os hai. Ten que habelos para resolver os problemas das persoas. O transporte metropolitano ten que ser unha prioridade para a Xunta. É vital ter tren de cercanías ata Ferrol, metro lixeiro, tranvía e autobuses. E tamén novas vías de comunicación. Estas cousas hai que plantexalas agora para resolverlas dentro de tres, catro ou cinco anos.
Para os que levamos anos defendendo a necesaria unidade de acción entre Ferrolterra e A Coruña, fronte á tradición histórica de ignorarnos mutuamente, escoitar estas palabras do Alcalde da Coruña supón unha grande esperanza en iniciar unha relación institucional que permita invertir esa tendencia. Por fin hai eco ó outro lado do Golfo Ártabro!
O tren de cercanías Ferrol - A Coruña é o primeiro paso para mellorar a comunicación entre estas dúas áreas, que deben incrementar os seus lazos económicos, sociais e institucioanis para transformar o que xa é a máis importante concretranción de poboación de Galicia na primeira área económica do país.
O futuro do Norte galego pasa necesariamente por isto. Javier, dende Fene e dende Ferrol estamos dispostos a ir poñendo contigo as primeiras pedras.
9 comentarios
Deixa unha resposta
Ai, Iván, como se nota que se achegan as municipais. Losada prometeu wifi de balde nas principais rúas e prazas da Coruña, o que xa me parece moito prometer.
Home, mendinho, se che dixese que son absolutamente capaz de abstraerme do feito de que en maio haxa eleccións municipais, mentiría. Pero isto non ten porque ser malo.
É certo que estamos acostumados a que estas sexan para algúns datas de moitas promesas que se traducen logo en poucos feitos. Eu intento fuxir sempre da promesa fácil, incluso da propia promesa. As campañas e precampañas, máis que para saber o que prometen os políticos, deben valer para coñelos e para saber que pensan; máis nas municipais, nas que, agás nas cidades, os candidatos/as somos veciños, é dicir, coñecidos á marxe do noso labor político; sendo polo tanto moi difícil que ninguén poda vender gato por lebre.
Sobre este caso concreto, o tren e a necesaria colaboración Ferrol-A Coruña, e independentemente da época na que esteamos, sempre pensei e manifestei publicamente o mesmo e sei que Losada tamén. Polo tanto, non creo que corramos o risco de que o manifestado non sexa máis que o contido dunha entrevista preelectoral. Verémolo, en todo caso.
Con respecto ás prazas wifi, home, teño visto promesas máis difíciles de crer. Tan imposible de cumprir che parece? É algo que xa se fai en varias cidades, que o PSOE de varios sitios incluíu no seu programa e que a min tamén me pareceu sempre unha boa idea para poñer en marcha en Fene.
Saúdos ;-)
De hecho no es tan dificil de hacer…. lo del wifi gratis quiero decir, otra cosa es que haya voluntad de hacerlo claro, que creo que es lo fundamental.
Eu penso que é totalmente prioritario para o desenrolo da economía das dúas áreas, para a comodidade das persoas que viaxen, para usar o transporte público en vez do privado…
Dos pirineos para arriba, en varios países un podería concebi-la idea de vivir sen vehículo propio perfectamente. Eu mesmo, prescindiría de te-lo se os transportes públicos funcionaran como é debido, pero iso aquí en España, e moito menos en Galicia é ciencia-ficción.
Cando se fala do Ave a Madrid eu penso que está moi ben, cando se fala da autovía a Madrid, que xa está terminada, paréceme moi ben; o que non acabo de comprender é que eu vaia a Santiago por autopista e teña que pagar tantos cartos coma para ir a Madrid(se é que collo a peaxe do Guadarrama). Penso que está máis subvencionado por dici-lo de algunha maneira ir a Madrid que face-los meus viaxes metropolitanos, que por outra parte son os máis útiles para a maioría.
Non me gostaría ser pesado falando de outros países coma Holanda, Austria, Alemania,Suecia, etc… pero creo que o único que teríamos que facer deles é copia-los en moitas cousas(Educación, Transportes,Urbanismo, Recollida de lixo,etc).
Xa está todo inventado. En moitos casos non é cuestión de cartos senon de boas ideas.
Sorte Ivan na túa futura vida política, os feneses están de sorte.
Graciñas, Alex ;-)
É certo o que dis dos países europeos, pero, salvando as distancias, non hai nin que ir tan lonxe. En Andalucía ou Cataluña (e xa non falo de Madrid) a rede de Cercanías de RENFE e os demais transportes públicos están a anos luz dos galegos.
E non me vale a tan repetida cantinela de que aquí non son rendibles. Os milleiros de persoas que cada día se moven entre Ferrol e A Coruña fan rendible calquera liña de cercanías, pero, claro, hai que insvestir, hai que ter máis de catro trens ós día que cubran o traxecto en bastante menos da hora e pico actual, fronte ós 30 minutos do autobús.
En fin, vontade política, nada máis!
Para min a chegada das eleccións significa fundamentalmente mais traballo extra. Parece que a Administración lle entran sempre unhas estrañas présas nos últimos meses antes da cita coas urnas.
Ah, a respeito do Wifi, véxoo difícil de cumprir porque non sei que opinarán as compañías telefónicas disto. Un saúdo.
Ese é o gran problema, mendinho, o das compañías telefónicas, porque, obviamente, non lle gusta. Aínda así, parece que o teñen difícil, de feito aí están os cafés con wifi e outros espacios que o facilitan de xeito gratuito.
É máis, no Plan de Modernización que está a implantar o PSOE en tódalas Casas do Pobo (sedes) recoméndase a instalación de redes wifi abertas para darlle servizo ó barrio ou zona de influencia da sede. Isto estase a facer xa, non sei se nalgún sitio máis, nas sedes do PSOE en Madrid e na sede federal; se un día pasas pola rúa Ferraz, comprobarás que a través da rede do PSOE te podes conectar a internet dende a rúa sen ningún tipo de problema.
Nos sitios nos que goberna o PSOE, sendo coherentes, trátase de que sexa o propio concello o que siga a mesma política. As compañías intentan poñer trabas a todo isto, pero por agora non o conseguiron.
[…] Como xa dixen noutra ocasión, é hora de que deixemos de ignorarnos mutuamente e que empecemos a colaborar en transporte, creación de emprego, servizos sociais, vivenda, infraestruturas… A verdade é que o reto paréceme apaixoante. Xeral, Política, Ferrolterra, Fene, gl […]