Salvo que teñamos algún interese persoal en desprestixiar a unha persoa, creo que a presunción de inocencia e o respecto á súa honra debe prevalecer sempre sobre calquera outra consideración.

Cando hai sentencia condenatoria sobre un responsable político a cousa cambia. Neste caso, nin eu, como responsable comarcal do Partido, nin o PSOE temos que recibir leccións morais de ninguén, porque sempre que tivemos que afrontar unha situación así, algunha en concellos moi proximos, actuamos con total ética e transparencia. O PSOE non ten a día de hoxe un só cargo público en toda España que estea condenado por delitos urbanísticos ou financieiros, houbo algúns casos e cando houbo sentencia foron apartados do Partido e dos seus cargos.

Se falamos do PP, non me chegan os dedos das dúas mans para contar os casos de cargos públicos condenados e que siguen a gozar non só dos seus cargos, senón do respaldo e público afecto do seu partido.

Eu critico e seguirei criticando actitudes que me parecen reprobables de persoas e colectivos de Pontedeume ou de calquera outro pobo, como tamén alabarei o que me pareza alabable; persoas e colectivos, non pobos.

Comprendo que o PP, como ocorre sempre que goberna algo, aínda que sexa a comunidade de veciños, teña un sentimento de pertenza sobre o gobernado, pero hoxe en Pontedeume hai democrocia e os donos do pobo son os veciños/as, non o partido gobernante, que con comentarios como o anterior parece que ten complexo de familia medieval Andrade.

A publicidade, como internet ou calquera instrumento da nosa sociedade, non é en si mesma boa nin mala, senón que todo depende do uso que cada quen faga dela. Penalicemos, polo tanto, a quen a usa mal, pero non á publicidade en si mesma.

A publicidade, como forma de comuniccaión, é inherente á sociedade e ós individuos. Ti, Angus, á marxe da publicidade comercial, seguro que tamén fas publicidade de ti mesmo, porque como tódolos seres humanos tratas de amosar sempre o teu lado positivo e de amosar menos os teus erros e debilidades; é algo innato que resposta á necesidade de sociliazación, de integración no grupo.

Saúdos ;-)