Saúdos ;-)

Dado que estamos a falar de, quizais, a actividade máis participativa das que organiza o concello, organizala nunha das principais rúas supón unha maior relevancia e, con elo, unha maior participación de xente e tamén un maior beneficio e dinamismo para os comerciantes da zona e para o pobo en si, que é do que se trata en definitiva, ademais de promocionar a actividade física. Foi por isto polo que tomamos a decisión e creo que saiu bastante ben, á marxe de que dende o punto de vista da circulación e o aparcamento supón un maior transtorno, claro, pero non houbo tampouco grandes complicacións.

Saúdos ;-)

Xa estamos a 19/06/08 e segimos ijual
Viñeron os “Augagest” marcaron a carretera coa radial, e “Si te vin non me recordo”.
E xa estamos a 13/06/08 San Antonio.
Xa sei que me diras que non e culpa tua, e eu creocho, pero si todo anda asi no concello apañados estamos.
Un saudo

Xa falamos na Mancomunidade disto en varias ocasións e estamos tódolos concellos de acordo. De feito, na última xuntanza deste órgano aprobamos acollernos a un proxecto da U.E. para o fomento do transporte público e, a proposta do Concello de Fene, entre outros, imos incluír no proxecto esa liña de bus urbano circular. O tema é complicado, porque colisiona coas concesións que xa explotan outras empresas, pero non imos deixar de intentalo; o mesmo que a liña de transporte interparroquial dentro de Fene.

Saúdos ;-)

Unha pequena aclaración sobre a auga a Almieiras. Eses 2.500 euros que ti afirmas que custa levar a auga ata Almieiras xa me dirás de onde os sacaches, tal vez dunha liquidación por peche do Carrefour, porque o prezo real, taxado pola Deputación da Coruña e por Acuagest, supera os 40.000 euros.

En calquera caso, tal e como apunta o concelleiro de obras nas actas, si que se vai levar a auga a Almieiras e Río Castro, lugares que, por certo, levan agaradando toda a vida a ter auga. Non o digo como promesa, dígoo como feito, porque o primeiro tramo xa está contratado dende comezos de xuño; as obras empezan este semana.

A segunda parte, a que chega ata as casas, incluíuna este goberno nun dos plans da Deputación para a extensión da rede de abastecemento de auga. Estamos á espera de que a Deputación lle dea o visto bo ao proxecto para logo poder sacalo a contratación. Son feitos, insisto, non promesas.

Sobre o blog, os dous únicos cambios que sufriu foron unha menor actualización, porque loxicamente teño moitísimo menos tempo para adicarlle que antes, salvo días como hoxe, que é domingo, e a moderación previa dos comentarios, á que tiven que recurrir despois de moito resistirme, porque tres ou catro persoas usaban este espazo para mentir, difamar e incluso insultar a terceiras persoas, algo que non permitirei por unha cuestión puramente legal, pero tamén por unha cuestión de principios.

ivanpuentes.com é a miña casa na rede, o meu espazo particular, non é ningunha páxina oficial de ningún organismo, e, polo tanto, o uso para falar do que me apeteza en cada momento, para compartir con quen lle interese as miñas reflexións e experiencias, para pasar o rato… Se fora un problema para min, a solución é tan fácil como obvia, pechalo.

Sobre a foto coincido contigo, creo que sobran os comentarios e sobre todo as malas interpretacións e as polémicas artificiais. Como xa dixen máis arriba, este espazo privado e persoal que é o blog o constrúo eu e, polo tanto, se a miña intención fose que non aparecesen nesta páxina os concelleiros da oposición, cousa que podería decidir, porque cada quen na súa casa decide o que ten e o que non ten, sería tan fácil como levar a imaxe ao photoshop e cortalos para que non aparecesen na imaxe principal, na que ilustra a noticia e na que ve todo o mundo, pero como podes comprobar non o fixen, porque a min non me molesta que concelleiros doutros partidos podan aparecer no meu blog; pero en fin…

En fin, como xa dixen moitas veces, que fermosa é a liberdade e que ben marcharía este mundo se todos nos empeñásemos en defendela! Saúdos ;-)